10 أنواع من الرجال لا يصلحون للزواج

                  

من واقع ما تم من الأبحاث الحواريه

مع كثير النساء فقد أثبتت التجارب ان

هناك انواع من الرجال لا يصلحون

للزواج حسب ما تم حصده من أراء

1-الرجل الأول وبدون زعل زى ما

بيقولو كده الواد ابن ماما يعنى

لطيف وناعم بعض الشئ وربما يكون

له كرش صغير من أكل ماما .معظم

وقته بيقضيه فى البيت وبتكون معظم

مشاهداته قدام التلفزيون على برامج

عالم المرأه زى الطبخ وكده

2-الرجل البخيل:وانا كواحده اكره

هذا النوع من الرجال أشد

الكره ازاى هيبقى عندى أسره وبيت

وأبقى بخيل يبقى انا لا أصلح أن

أكون زوج وكمان فيه مشكله كبيره

جدا جدا ان معظم البخلاء من

مجتمعنا بيكونو أثرياء ودى مصيبه..

الشئ اللى بيشدك ليه ذكاؤه وحرصه

على العمل وطموحه الكبير والشئ

اللى يرعبك بقا أن الفلوس اللى

بيكونها متجهه لطريق واحد ألا وهو

(البنك)وطريق العوده طبعا مغلق

يعنى علشان يسحب من رصيده ده

مستحيل.... تتخيلى أو تتخيل ان ده

هيكون زوج ناجح؟؟؟؟؟؟؟؟

3-النوع الثالث ده كتير من اللى

بيقرو المقاله مش هيصدقو اللى بقوله

لكن كل الشخصيات اللى انا بقولها

دى من واقع استفتاءات كتيره

جدا....الرجل الثالث هو خبير

الموضه:على الرغم من أناقته الشديده

والجذابه ومنظره المبهر فى انتقاء

ملابسه والاهتمام باخر الصيحات

العالميه الا ان هذا الشخص يفضل

التسوق على قضاء الوقت معك فيما

غير ذلك هيقعد يديكى نصايح كتير

انك انتى تحسنى مظهرك أحسن من

كده يعنى تطورى من مظهرك

الخارجى.....فسؤال بوجهه ليكى انتى

ترضى ان ده يبقى جوزك المستقبلى؟؟؟؟؟

4-المحب للنساء:واحده هتقولى

دلوقت ازاى هو محب للنساء ومش بيصلح كزوج؟؟؟؟؟

هجاوبك بس وانا بجاوبك بقولك

ركزى فى الكلام المكتوب انا بقولك

محب للنساء مش محب لزوجته يعنى

يتعامل مع (جميع) النساء على انهم

جواهر والشئ اللى بيشدك ليه فى

البدايه انه يعرف يجامل ازاى ويقول

كلام رومانسى ازاى يعرف يشدك

بمعنى أصح فهمتينى؟ لكنه فى الاخر

مخادع ممكن يغدر بيكى فى اى

لحظه فمتقربيش للنوع ده من الرجاله

5-الشخص الخيالى يعنى الراجل اللى

بيتعامل مع الناس على أساس ما

خياله بيرسم له مش على أساس ما

الناس موجودين عليه فى الواقع

والنوع ده اللى بيشدك ليه فى الأول

فضول وحب التعرف اليه والى

شخصيته الغامضه عاوزه تستكشفيها

فى أى وقت لكن بعد ما تعرفى تقولى

يا ريتنى ما عرفت

6-النوع السابع ده نوع مضحك جدا

وانا بسميه مشروع المؤلف:تلاقيه

دايما ماسك الكتاب فى ايده ولابس النظاره الطبيه فى عينه وهو

نظره6/6حاد كمان يستعرض ثقافته

الواسعه اثناء الحديث ويتباهى بنفسه

كتير جدا والراجل ده بيفتعل مشاكل

بينه وبينك لانه عاوز يألف عليكى

قصه يدخل بيها عليكى لكن خليكى

أذكى من كده

8-مدمن العمل:وبدون كلام كتير...

الراجل ده مينفعش يبقى زوج بالمره يعنى يسبنى ال24 ساعه قاعده لواحدى بين أربع حطان يبقى انا متجوزاه علشان أتعذب

9-الراجل عاشق المساواه وده لقب مش اسم أطلق على نوع من الرجال اللى بيحبو يوضحو للمرأه انهم متساويين معاهم. فى الظاهر يدافع عن المرأه وعن حقوقها كويس جدا يعرف امتى ينصفك وياخد لك حقك دا ده فى الظاهر قبل الجواز

نيجى لبعد الجواز: يوكل جميع مسؤليات البيت الى المراه بواقع انها المسؤوله الأولى والاخيره عن البيت وهتلاقى هم ما يتلم على راسك فهل تفضلى الراجل ده

وفى نهاية المقال انا عاوزه أقول ان مفيش حد فى الدنيا دى كامل بس المقال ده انا بشرحه كتوضيح للمرأه بشكل يخصها هيا أكتر من الراجل

أتمنى يكون المقال عجبكم؟؟؟؟؟؟؟؟؟؟؟؟؟؟؟؟؟

ما أروع هذه الأكله

                              

يا جماعه الموضوع ده للستات اللى حابيين يسعدو أزواجهم بأكلات شهيه ومفيده

هشرح دلوقت طريقة تحضير الشاورمه باللحمه الضانى ودى من الأكلات اللى بيعشقها كتييييييييير

المكونات:

1فخذ لحمه ضانى طازج ومفرود ولازم يكون العضم منزوع منه ويكون شحمه زائد يعنى الدهنه

بالنسبه بقا لخلطة التوابل فركزى جدا جدا

1-

ملعقه واحده بمزيج القرفه والفلفل الأحمر المطحون والكمون والشطه والملح والفلفل الاسود والقرنفل والبهار الحلو وجوزة الطيب

2-

بشارة برتقالتين متوسطة الحجم

3-

بشارة ليمونتين متوسطة الحجم

4-

1كوب صغير من عصير الليمون

5-

معلقه صغيره من المستكه المطحونه مع شوية ملح خفاف

6-

حزمه من الكزبره الطازجه والمفرومه فرما ناعما

ودلوقت  اهم شئ وهى

طريقة التحضير:

هنخلط المكونات كلها فى طبق كبير ونحط الفخذ فى الطبق ده مع المكونات المخلوطه وهنخلط عليهم التوابل بس خلط جيد جدا

هنغطى الفخذ بعد ما اتخلطت بالمكونات دى  ونلفها لفه جيده ونحطها بالثلاجه مدة 24 ساعه علشان المكونات تتماسك مع بعضها كويس جدا

بعد ال24ساعه مايمرو هنبدأ نشوى الفخذ فى الفرن لمدة 45 دقيقه كامله بس فيه حاجه مهمه جدا جدا لازم كله ياخد باله منها ان احنا هنشوى الفخذ وهيا ملفوفه زى ما هيا علشان تحتفظ بشكلها المخروطى

 بعد ال45 دقيقه ما يمرو هنشيل اللفه اللى على الفخذ ونغطيها بورق الالمونيوم أو السلوفان زى ما بنقول وهنتركها لمدة 15 دقيقه قبل ما نبدأ نقطعها وناكل منها

وبالهنا والشفا

رجل لا تنساه المرأه أبدا

                                      

يبحث الكثير من النساء عن الرجل الذى يتميز بكثير من الصفات 

الجميله...... طيب واحد هيقول مين هو الراجل ده؟؟؟؟؟؟؟؟؟

بدون اى كسوف كفتاه هوضح لكل اللى هيقرأ المقال

1-الرجل الذى يتعامل برقه شديده مع المراه

2-الرجل قوى الشخصيه والواثق من نفسه

3-الرجل المتواضع غير المغرور

4-الرجل الكريم فى عواطفه الذى يشعرها بالامان والحنان

5-الرجل الذى يدلل المرأه ويرويها عشقا

6-الرجل الذى يقدر المرأه ويحنو عليها وقت الحزن والالم

7-الرجل الذى اذا تحدث اقنع وامتع

8-الرجل ذو النظرات المتقنه يعنى ان ينظر الى المراه بفن واتقان تجاهها

9-الرجل الذى يستمع لها ويؤثرها على نفسه فهذا منتهى العشق

10-الرجل الذى يستمع الى المراه ويقدرها ايا كان كلامها

11-الرجل الذى يسامح اذا اخطات

12-الرجل الغيور وهذا ما يعشقه النساء

13-الرجل الذى يراها دائما لؤلؤه لامعه

14-ان يفرح لفرحها ويحزن لحزنها فهذا خير تقدير للمرأه

15-الحار عاطفيا:معنى ذلك ان يكون الرجل ذو عاطفه خلابه يشعر المرأه بالحب والحنان

16-الرجل الذى يعلمها باسراره كليا

وأخيرا:اى نوع انت من هذه الرجال؟؟؟؟؟؟؟؟؟؟؟؟؟؟؟؟؟؟؟

يا ترى تعمل ايه لو قدامك شخص مش عارف تسيطر عليه؟؟؟؟؟؟؟؟؟؟

                                             

ف بداية الموضوع عاوزه اوضح ان كل انسان له شخصيه مستقله عن التانى بمراحلها وكل فرد له هويته اللى يقدر ياثر بيها على الفرد الاخر

 طيب دلوقت علشان اوضح اجابه للموضوع ده قدامى 3 طبقات من البشر لازم تكون واخد بالك منهم كويس جدا وركز

الطبقه الاولى:

الشخص ذو  النظام البصرى وهذا النوع من الشخصيات يتحدث بسرعه

 وبصوت عالى يأخذ انفاسا قصيره وسريعه وهو دائم الحركه  والفرد ده نشيط جدا جدا ويعطى اهتماما كبيرا للصور والمناظر 

واحد بيسال بيقول دى شخصيه صوتها عالى انا مش هعرف اكلمها ولا اسيطر عليها

هقولك الاجابه:النوع ده من اسهل الشخصيات اللى انتا تقدر تسيطر عليها مش علشان هوا صوته عالى وكده مش هتقدر تسيطر عليه لأ الشخصيه دى بتتعامل بحسها الذاتى مش المعنوى يعنى مش بتتكلم بعقلها ولا بتفكيرها

السيطره على الشخص ده تكمن فى حاجتين مهمين جدا

الحاجه الاولى: وانتا بتلكمه لازم تكون متناسق شكلياوتكون جذاب قدامه يعنى تبقى مشيك نفسك  وده هيلفت نظره جدا ليك لان هو ذو نظام بصرى

الحاجه التانيه: انك تكون متزن قدامه كليايعنى تبقى واقف وقفه كويسه بتوضح له انك واثق من نفسك

الطبقه الثانيه

الشخص ذو النظام السمعى:هذا الشخص يستخدم طبقات صوت متنوعه فى التحدث بطريقه مريحه ويتميز بقدرته العاليه على الانصات الشديد

تقدر تسيطر عليه ازاى؟

لازم تبين للشخص ده ان انتا هادى ف كلامك جدا وتتكلم معاه بنبرات مختلفه وام تيجى تسمعله تبقى منصت جدا هتلاحظ  فيه تغير رهيب بالنسبه ليك وهيبدأ ينجذب

الطبقه الثالثه

الشخص ذو النظام الحسى:هذا الشخص يتميز عادة بالهدوء النسبى وما اجمل الهدوء يتنفس بعمق ولديه احساس تجاه الاخرين بدرجه كبيره

عشان تتكلم معاه لازم يكون عندك ثقه عاليه جدا فى نفسك وتكون هادى معاه فده هيدى له انطباع جميل جدا عنك

طيب انا بعد ما خلصت بوجه سوال لكل من قرا هذه المقاله دى طبقه تحب أن تتحدث معها من هذه الطبقات الثلاثه؟؟؟؟؟؟؟؟؟؟؟

الفراغ العطفى عند الشباب

كتير مننا بيقول انا عندى فراغ عاطفى وهو مش عارف معناه

فى الواقع ان الحاله للى بيمر بيها الفرد ده مش فراغ عاطفى انما هى فراغ جنسى وليس عاطفى

طيب دلوقت ايه هو الفراغ العاطفى؟؟؟؟؟؟؟؟

الفراغ العاطفى هو النقص الذى يشعر به الفرد عندما لا يجد من يفيض عليه حنانا ومشاعر تجعله يحس باهميته وقيمته الذاتيه

ولا ابالغ ان معظم الشباب والفتيات يغانون من الفراغ العاطفى

ومن اخطر المعلومات التى تم التعرف عليها من قبل الاطباء النفسيين ان كثيرا ممن حدث لهم حالات اكتئاب كانت من الفراغ العاطفى

طيب دلوقت اى شاب او فتاه بيقول انا عندى فراغ عاطفى ومش عارف ازاى اعالجه..انا هقولك الحل بس ركز معايا وواصل واوعى تفصل منى لان الكلام اللى جاى مهم جدا

اولا

لا بد من الحوار والتواصل مع الاخرين سواء كانو من القرناء او من الجنس الاخر يعنى ببساطه شديده جدا ان احنا لازم نناقش مشاكلنا مع بعضنا يا جماعه لازم الانسان يكون اجتماعى اكتر منه انطوائى دى هتعالج المشكله دى بشده

ثانيا

ودى من اهم الاخطاء اللى احنا بنقع فيها اللى هيا الاستخفاف بالشخص الذى امامك يعنى انا دلوقت جيت بكلمك معجبنيش الكلام فبدات استخف بيك وبكلامك فده بيولد عندى فجوه شديده جدا هتؤدى انى اعتزل الناس كلها وده بيسبب الاكتئاب الشديد فاوعى تجرح فى مشاعر الاخرين

ثالثا

ودى نقطه واحده فيها جزئين والجزئين مرتبطين ببعض الجزء الاول وقتك. الوقت بتاعك من ذهب اوعى تضيعه فى شئ ما لهوش لزمه والجزء الثانى صديق السوء يعنى صديق السوء ده اساس البلاوى كلها فاحذر منه اشد الحذر طيب ايه الرابط اللى بينهم اقولك

دلوقتى انا صاحبت واحد مش كويس ده اكيد لازم هيضيع وقتى

وفى النهايه بوجه سوال انتا ايه الفكره اللى انتا بتايدها من ال3افكار اللى انا طرحتهم دول؟؟؟؟؟؟؟؟؟؟؟؟؟؟؟؟؟؟

ارجو ان يكون موضوعى نال اعجابكم...............

احدث كمبيوتر pc

احدث كمبيوتر pc
احدث كمبيوتر pc
احدث كمبيوتر pc